Home

 

Schön hesch üs gfunge!

Mir si der Jodlerklub Thun - Heimelig vo Thun u träge dä Name sit afangs 2014. Entstande isch er  us em Zämegaa vo de beide Vereine Jodlerklub Thun u Jodlerklub Heimelig, Thun.  Der Grund für üses Tue isch ganz eifach: Mir si i beidne Vereine zweni Sänger gsii. U zäme chöi mer iez o wieder singe, dass me n'is tarf lose! Wett' Di wosch überzüge: Mir würden'is freue, Dir Das a eim vo üsne nächschte Aaläss törfe z'bewiese.

Aber o so vereint bruche mir Nachwuchs! 

Hesch Freud am singe, de chumm doch eifach mau verbii! Mir probe jede Mändig ab de Achte am Abe im Gaschthof Rössli z'Thun-Dürrenascht. Du tarfsch unver-bindlech zuen'is cho ineluege oder chasch o eim vo üsne Vorstandsmitglieder alüte oder schribe.

Aber lue doch zersch mau uf üsere neue Homepage wär mir si... viu Vergnüege u bis gli!

Üse nächscht Uftritt: So, 19. November 09:30 Uhr Marien - Kirche Thun (röm. kath.)                                                                                              Mitwirkung am Gottesdienst